- সুশীল চাকমা
নেই- নেই সময় নেই
ভাবিনেই উদ’ লবার,
কি চেনেই কি পেলং
তোলবিচ গরিবার।
নেই- নেই সময়
জেদ- কনেদ চিনিবার,
দেম কারেই চোখ পিজিনেই
মু- পেজালাম গরিবার।
নেই- নেই সময় নেই
লাম্বা নিজেচ টানি জিরেবার
দর্শন- যুক্তিলোই ভুলুক-চুলুক ধরিবার;
সোনা-রূব, ঘিল্যা-কজোই পানিলই শুদ্ধসাঙ্গ ওইলবার।
নেই- নেই সময় নেই
যে পেবং ভালক দূর,
যেদ্ধুর এচ্ছেই সিত্তুন বেচ
পত্থান আঘে বিজোল বেচ।
নেই- নেই সময় নেই
মুই গম তুই ভান্যা- গোর দিয়াদি গরিবার,
অজল মনলোই দুরত চেইনে;
অক্ত ওয়ে সময় বেগর তে তারে কোচ পেবার।
নেই- নেই সময় নেই
অক্ত ওয়ে জধা ওই নলা গুজরেই আহ্-দিবার;
মন কজড়া লুঙিমারি এক রেঙে উজেবার ;
তের’ ভেইয়োর এক্কান পথ- বুঝিবার বুঝিবার।