ইয়ান কেঝান তামাঝা (চাকমা কবিতা)

- শিশির চাকমা

তিরোঝি মন কজমা অঝার রিবেঙত

অনসুর দোজ্যের দিককাবুলো তুভোল গুজুরি এঝে

রিবেং ভাঙানার ঈজিরেই,

মন কানে, চোক ভিঝি উধে নিরেলে

ইহ্‌ংসের আগুন জ্বলি উধে দোজ্যের দিঘোল পারত

সামুক সিলোন কাঙাহ্রা গা রোখ্য়েত লরি চরি উধোন।

চোক যিন্দি তাক চাাই

চেরোমিক্কে রেজ্য জুরি কানানির ধেক গুমোরনি,

মানুচ আহ্‌রানার বুক ফাত্যে চিতপুরানা

অনসুর বুগোত ন’ আইত্যে দিঘোল দিঘোল ব-নিজেচ আহ্‌ম্বুর কারেহ্

ইহ্‌ংসের উম আহ্‌বা সদচ্যা অহ্‌দ' চাাই,

কাাই ঘনেবার চেলে ইহ্‌ংসের বারোচ উহ্রোং তুলে

রেজ্যজঘা ইঙসের আগুন জ্বলি উধে ঝবাদত।

দিবে চোক্কৈ বানা চেএই থানা

তমাার বলবলা ইহ্‌ংসের খারা

চিত-কলজ্যা তাককেত উজন্যে উধিদ' মাঘে ঝিমিদোত।

ইয়ান কন খারা, কেঝান তামাঝা

উঘুরি উধোং দোজ্যের তুভোলর গুজুরনি র সুনি,

চোক্খুন মরি এঝন ইহ্‌ংসের পলাপলি খারা দেঘি

রেজ্যর নিমোন কানানা আ’ চোঘ’পানি ঝরে নিরেলে।